The Legendary Career of Glenn McGrath: A Fast Bowling Maestro

 فاسٹ بولنگ کی دنیا میں آپ کو کئی سارے نام دیکھنے کو مل جائینگے جن کے راج اور پرفارمنس کا ڈنکا ایک وقت

 تک بھرپور بجتا رہا مگر وقت گزرنے کے ساتھ ساتھ کارکردگی میں کمی آئی بعض کو انجریوں نے آڑے لیا اور بعض

 کو تنازعات نے کھیل سے دور کیا مگر کچھ نام ایسے ہیں جو ڈیبیو سے ریٹائرمنٹ تک مکمل درھم اور پرفارمنس کے

 بل بوتے یکسوئی سے کھیلتے رہیں اور اپنی ٹیم کے فتوحات میں مرکزی کردار ادا کرتے رہیں۔

ان ناموں کی فہرست میں سب سے اوپر عظیم گلن میگراتھ کا نام آتا ہے جو کہ کرکٹ میدانوں میں 14 سال تک

 خوف ودہشت کی علامت بنا ہوا کامیاب دندناتا پھرتا رہا۔

نومبر 1993 کو کیوی ٹیم کے خلاف پرتھ میں ٹیسٹ ڈیبیو کرنے والے عظیم گلن میگراتھ آسٹریلوی ٹیم کے جیت

 کی علامت تھے جن کے سہارے کینگروز نے کرکٹ کی دنیا پر اپنے راج کو طول دیا۔

گلن میگراتھ نے 1996 1999 2003 اور 2007 ورلڈکپ مقابلوں میں بھی شرکت کی اور کینگروز کے عالمی کپ

 فائنلز فتوحات کی ہیٹ ٹرک میں کلیدی کردار ادا کیا بالخصوص  کیریئر کے آخری ورلڈکپ 2007 میں تو عظیم

 فاسٹ بولر گلن میگراتھ پلیئر آف دی ٹورنامنٹ رہے۔

آخری ورلڈکپ میں عظیم فاسٹ بولر حریف بلے بازوں کے لئے درد سر بنے رہے اور کسی بھی بلے باز کو کھل

 کر کھیلنے نا دیتے ہوئے 26 کھلاڑیوں کو پویلین کی راہ دکھائی تھی۔

گلن میگراتھ کے کیریئر کے اعدادوشمار یقینا بھت ہی شاندار ہیں جو کہ آج کے دور کے گیندبازوں کے لئے ایک

 خواب کے مانند ہے۔

124 ٹیسٹ کے 243 اننگز میں میگراتھ نے 21.64 کی شاندار اوسط سے 563 کھلاڑیوں کو ڈگ آوٹ کی سیر کرائی

 جن میں 3 مرتبہ 10 وکٹوں اور 29 مرتبہ 5 وکٹوں کا کارنامہ شامل رہا۔

10/27 میچ کے بیسٹ فگرز اور 8/24 اننگز کے بہترین فگرز ہیں۔

ونڈے کرکٹ میں گلن میگراتھ 250 میچز کے 248 اننگز میں 22.02 اوسط سے 381 بلے بازوں کو کریز چھوڑنے

 پر مجبور کیا۔

7 مرتبہ میچ میں 5 وکٹوں کا کارنامہ انجام دیا جن میں 7/15 کی کیریئر بیسٹ بولنگ بھی شامل ہے۔

عظیم گلن میگراتھ نے صرف دو T20 میچز میں ملک کی نمائندگی کی اور 5 وکٹیں حاصل کی۔

2007 ورلڈکپ میں سری لنکا کے خلاف کھیلے جانیوالا فائنل معرکہ گلن میگراتھ کا آخری انٹرنیشنل میچ تھا جس

 کے بعد وہ کرکٹ میدانوں کو خیرباد کہہ گئے۔

عظیم گلن میگراتھ نے بے شمار مواقع پر ایسے شاندار سپیلز کئے ہیں جو کرکٹ تاریخ کے اوراق میں آج 17 برس

 بعد بھی یادگار کہلاتے ہیں۔

2000 میں انڈیا کے خلاف ونڈے میچ میں میگراتھ نے کمال کیا تھا جب پورے دس اوورز میں محض 8 رنز کے

 عوض سچن،گنگولی اور لکشمن سمیت 4 کھلاڑیوں کو آؤٹ کیا تھا۔

اس میچ میں میگراتھ نے پہلے 7 اوورز کے سپیلز میں 7 رنز جبکہ دوسرے 3 اوورز میں محض ایک رن دیا تھا۔

ٹیسٹ کرکٹ میں پاکستان کے خلاف 8/24 کی شاندار بولنگ کی ویڈیو آج بھی دیکھ کر بندے کو پاکستانی بلے

 بازوں کی میگراتھ کے سامنے بے بسی پر دکھ ہوتا ہے۔